Þórunn á Húsavík

Merkilegt! Mér fannst ég hafa stækkað í nótt held ég bara
Og Hörður Mar stækkaði líka! Við fengum okkur morgunmat saman, ég brauð og Hörður Mar graut, samt fannst honum grauturinn ekkert góður og vildi frekar tína upp í sig nokkur Cheerios!
Myndir af því og fleiru komnar í albúm! Líka eitt nýtt myndband af drengnum við Cheeriosát:)

Jæja, Hörður Mar vill fá athygli mína óskipta!!
Svo er það bara blótið í kvöld!
Góðar stundir góðir hálsar:)

(HMJ að borða Cheerios)

Óhætt er að segja að árið hafi byrjað með örlitlu annríki en það kom upp stuttu fyrir jól að við ákváðum að segja upp íbúðinni okkar í Grundargarði og flytja í annað húsnæði þar til Stapi verður tilbúinn með vorinu! Foreldrar Nonna voru svo elskuleg að bjóða okkur að búa í húsinu þeirra, Norðurhlíð, og þar sem það er í minni kantinum munu þau fá að dvelja hjá Guðnýju og Krzysztof í gömlu íbúðinni okkar á meðan... hmm... ætli einhver skilji hvað ég er að fara, þetta eru svolitlar hrókeringar. Við spörum okkur svo leigu og annan rekstrarkostnað á meðan sem er snilld!! :)
Flutningarnir gengu barasta vel og íbúðinni verður tekin út í dag eða á morgun. En það var flókið að pakka saman dótinu... úff en nauðsynlegt og gagnlegt að fara í gegnum allt draslið og henda, setja í geymslugáminn eða taka með okkur í Norðurhlíð.
Það fer ljómandi um okkur hér í Norðurhlíðinni og vonandi mun fara eins vel um þau öll í Grundargarðinum þegar þau verða flutt.

Hins vegar þurfti Inga María, litlan þeirra Guðnýjar og Krzyzstof að fara inná Ak í aðgerð! Í gærkvöldi fóru þau með hana til læknis hér á Húsavík og það kom í ljós að hún var kviðslitin... Litla greyið, með þvílíkar kvalir!! En það átti að skera hana núna fyrir hádegið, ég á enn eftir að fá fregnir af því hvernig gekk. Læt ykkur vita.

Hörður Mar er hins vegar hinn hressasti, alveg búinn að ná sér af kvefinu og mér sýnist að þetta rót hafi ekki svo mikil áhrif á hann! Hann sefur svipað og áður og er svipað lélegur að borða! Frussar matnum yfirleitt út úr sér og grettir sig og hlær:) Algjör gaur!

Ég setti inn nýtt albúm með myndum frá þessum fyrstu dögum ársins:)

(takið eftir tönnunum)
Verið nú stillt og góð.
 ÞH & HMJ